BEFINETOUR proiektuaren kick-off meeting Anberesen - Innovación FP - Ikasnova

KICK-OFF MEETING DEL PROYECTO BEFINETOUR EN AMBERES

2025eko maiatzean, BEFINETOURren kick-off meetinga egin zen Anberesen, Erasmus+ KA220-VET proiektu batean. Proiektu horretan, Europako bost herrialdetako erakunde eta ikastetxeek esku hartzen dute: Espainiak (Hezkuntza Saila – Nafarroako Gobernua), Holandak (ROC Midden Nedderland), Belgikak (Stedelijk Onderwijs), Italiak (Consorzio Istituti Professionali) eta Finlandiak (Saima Vocational College Sampo).

Topaketan, hilaren 14an eta 15ean, bost erakunde horietako ordezkariak bildu ziren, guztiak ere NABE aliantza osatzen dutenak. Lankidetza-sare estrategiko hori 2018an sortu zen, Lanbide Heziketaren esparruan nazioarteko lankidetza indartzeko eta sakontzeko.

Finlandiako bazkideak buru dituen BEFINETOUR proiektuaren helburua sektore turistikoko Lanbide Heziketa praktikoagoa eta jasangarriagoa izatea da, Europako balio sendoa emanez, kontsumitzailearen portaerari eta jasangarritasunari buruzko ikuspegi kultural desberdinak konbinatzen baititu. Bi urteko iraupenean zehar, LHk gaitasun ekologikoen sustapenean duen zeregina indartzen lagunduko du, turismo-sektoretik jardunbide jasangarriagoetarako trantsizioa babestuz.